السيسي للمصريين: عمري ما قولتلكم كلام معسول أو أحلام
قال الرئيس عبد الفتاح السيسي، إن الدولة تنفذ مشروعات للتدريب والتأهيل في الأكاديمية العسكرية المصرية، قائلا “تم تأهيل ألف مدير وقلت للدكتور رضا حجازي وزير التعليم أن الألف دول هيكونوا قيادات للمدراس يكون معهم معلمين مميزين علشان تكون الفكرة على بعضها قابلة للتميز وليس النجاح فقط”.
وأضاف “السيسي” خلال جلسة بناء الإنسان ضمن فاعليات يوم الاحتفال بتفوق الجامعات المصرية والمقام في جامعة قناة السويس:” بنحاول نحسن ونطور أكثر في ظل موارد مش موجودة، ومهمة المعلمين خطيرة في حياة الإنسان المصري”.
وتابع:”انا بس حبيت أشير للنقطة دي عملناها مع وزارة النقل في السكة الحديد أو المترو.. وكمان وزير المالية البرنامج الفني من قبل الوزارة ولا نتدخل فيه.. اللى بيقول الكلام ده دائما هدفه التشويه ويسئ ويبث السموم في قلوب وعقول الناس ويحطم الأمل في بكرة من خلال شائعات وأكاذيب وإفك في ظل ظروفنا الحالية”.
وتابع:” الناس اللى بتقول إننا بنودي الناجحين في مسابقات التربية ده عسكر.. لا مش عكسر.. عسكر اية.. واللى دايما بيشوه ويسيء ويبث السموم في قلوب وعقول الناس ويحبط الأمل في بكرة شائعات وأكاذيب”.
وأوضح:” بنحاول في ظل ظروفنا وقدرتنا المحدودة، وعمرى ما خبيت حاجة، وعمري ما قولتلكم كلام معسول أو أحلام، أنا قلت فيه عمل وبس وهنفضل نشتغل لغاية ما ربنا يكرمنا”.
